Çmimi për Dokumentarin më të Mirë Ndërkombëtar
Çmimi për dokumentarin më të Mirë Ndërkombëtar i jepet filmit “Unë, familja ime jevge dhe Woody Allen” i regjisores Laura Haliloviq (Gjermani). Ky film është një rrëfim personal në vetën e parë, i cili, përmes copëzave dhe imazheve autentike nga jeta nomade e familjes Haliloviq, në një version krejtësisht unik, na e krijon mozaikun e dramës së vështirë jetësore të një komuniteti, i cili, përkundër refuzimit, përpiqet të mbijetojë dhe të integrohet në një “atdhe” të ri. Rrëfimi spontan dhe personazhet e natyrshme, të plasuara me delikatesë poetike e sensibilitet lirik, e bëjnë këtë film një gjedhe artistike të papërsëritshme, origjinale dhe unike.
