Rreth Festivalit
Festivali Ndërkombëtar i Filmit Dokumentar për të Drejta të Njeriut NJË BOTË/ONE WORLD organizohet në Prishtinë nga Këshilli për Mbrojtjen e të Drejtave dhe Lirive të Njeriut (KMDLNj) që nga viti 2000 duke qenë pjesë e Festivalit JEDEN SVET/ONE WORLD me seli në Pragë. Në nëntë edicionet paraprake të Festivalit NJË BOTË në Prishtinë janë shfaqë rreth 250 filma dokumentarë me tema të shkeljeve drastike të të drejtave të njeriut anekënd globit. Festivali synon t’i promovojë të drejtat e liritë e njeriut dhe demokracinë, por edhe të nxisë debate kuptimplote për çështje si të drejtat e njeriut, shoqëria civile, politika e jashtme, politika ambientale e kështu me radhë.
Tri çmime ndahen në Festivalin e sivjetmë:
1. Çmimi për dokumentarin më të mirë vendor;
2. Çmimi për dokumentarin më të mirë ndërkombëtar;
3. Çmimi special për të drejtat e njeriut ADEM DEMAÇI;
